382

<< Nr. 381 | Index | Nr. 383 >> 

Absender: Kramer, Huldreich

Empfänger: Zwingli

Ort: Rüti
Datierung: 13 IX 1525

Vorlage: Huldreich Zwinglis sämtliche Werke, vol. 8 (Leipzig: Heinsius, 1914) (Corpus Reformatorum 95), 358-359

--358--

S. D. P.
Lieber brueder Huldrich.
Ulls ich ietz in kurtz vergangnen tagen zuo Zürich bin gesin unnd
üch etwas gebracht De anno Iubileo, ist min früntlich pitt an üch,
so es üch nüt ze überlegen were, semlichs lassen ze trucken; wan es mir
hefftig von doctor Jacob Ziegler in entpfelchnus ist geben; wan ich
darnach witer mueste mit ij tractätlinen hanndlen, dormit es zuo Rom ouch

--359--

geläßen wurde. Witer, lieber bruoder meister Huldrich, so ist mir nächst
von minen herren von Zürich geraten worden, in dem closter ze pliben
unnd die güldt nemmen wie ein andrer, welches ich nun thuon wirdt. Ist
min früntlich pit an üch, mir inn disser sach zuo ratten unnd mine herren
betten, mit sampt miner etlichen fründen: sydemal unnd ich zue Rüti nieman
nütz bin, das man mir den disch unnd die güldt zuo Zürich lasse
nachvolgen; so welte ich studieren, wie ich sy dann trüwte ze genießen.
Ouch so wer ich wol deß willenns, mich gantz von dem closter lassen
ußzerichten, dormit ich darnach möchte merchen oder wiben, nach dem
unnd ich dan gewißen wurde. Dorum so raten mir trülich inn der sach,
so wil ich's umb üch beschulden. Ouch so zug ich die kutten so licham
gern ab; so meint ich immerdar, mine herren wurdentz unns all heissen
abzüchen. Unnd sind hefftig daran, das unns der schuolmeister ylentz
werde; wan wir wennd inn vor den andren wol hanndhaben mit
hillff miner herren von Zürich.
Vale.
Salutierent mir min baß Unna, üwer hußfrow.
Datum in Rüti am 13. tag Septembris anno 1525.
Huldrich Kramer, üwer trüwer bruoder in Christo.
An meister Huldrich Zwingly tzuo Zürich,
zuo gewüsser hannd.