Deprecated: Function create_function() is deprecated in /usr/local/ftp/irg/public_html/static/zwingli-briefe/pmwiki.php on line 499

Deprecated: Function create_function() is deprecated in /usr/local/ftp/irg/public_html/static/zwingli-briefe/pmwiki.php on line 499
Huldrych Zwingli Briefe - 181

Institut für Schweizerische Reformationsgeschichte

181

<< Nr. 180 | Index | Nr. 182 >>

Absender: Zwingli

Empfänger: Myconius, Oswald

Ort: Zürich
Datierung: 25 V 1521

Vorlage: Huldreich Zwinglis sämtliche Werke, vol. 7 (Leipzig: Heinsius, 1911) (Corpus Reformatorum 94), 457-458




--457--

Myconio suo S.
Brevibus respondebo his, quę percunctatus es. Molę huius argumentum,
quod in scęde prima facie occurrit, a Rheto quodam laico,
sed egregie docto in sacris literis, quantum scilicet licuit Latine indocto,
concinnatum est ac ad me transmissum. Martinus Säger is est.
Ego vero argumento perspecto, quod ille ad Luterum incommodius
traxerat, ad deum et Christum rectius trahi putabam, et cum non
esset tantum ocii, ut rhitmos compingerem, tradidi argumentum ipsum
Ioanni Füesslij, fusori isti surdastro in vico Rennweg habitanti,
ei, inquam, (ut hominem recte noscas), qui nobis pro suggestu docenti
ad levam semper adstat, unde et verba illic vides quędam nobis peculiariora,
quę ille nimirum ex frequenti auditu nostri (ut fit) imitatus
est. Is enim rithmos omneis fecit, quibus quidem verbis nonnulli pervincere

--458--

voluerunt nostram esse opellam, donec admonerem hominem,
pateretur rem palam de se prędicari factam; nihil prorsus apud nostros
esse periculi. Hoc tamen feci: loca illi ostendi pleraque in sacris
literis, quę ille diligenter volvit et figmentum mecum contulit, quod
mire ob sermonis simplicitatem et claritatem placuit, imo, quod sermo
prorsus esset Helveticus, effecit, ut celerius extrusum sit ac incorrectius.
Figuram una cum illo finxi; rithmum primum, titulum scilicet,
ipse feci, et praeter hunc nihil prorsus. - Recte vere consuluisti huic
mulierculę, quęcunque tandem sit, modo pauper sit, ut confessorem
adeat. Nam si missio est publica ipsaque pauper, non puto admodum
sceleratum esse; nam mali inter malos vivimus, et ingeniorum habenda
est ratio, ne pereant. Si autem dives est mulier, nullo pacto illi consulas,
ut hac pecunia, qua Christus venditur (hi enim, qui venduntur,
Christi sunt, et quod uni ex minimis meis fecistis, mihi fecistis
[Matth. 25. 40]), suos alat. Satis est.
Vale.
Ex Tiguro ultima feria pentecostes etc. XXI.
Huldricus Zuinglius.
Cętera omnia Cunhardus ipse narrabit.
Myconio suo carissimo.