332

<< Nr. 331 | Index | Nr. 333 >> 

Absender: Zwingli

Empfänger: Hofmann, Konrad

Empfänger: Grossmünster, Propst und Kapitel

Ort: (Zürich)
Datierung: 11 IV 1524

Vorlage: Huldreich Zwinglis sämtliche Werke, vol. 8 (Leipzig: Heinsius, 1914) (Corpus Reformatorum 95), 168-169

--168--

Conrado Hofman primum, quo cum secundo expostulamus,
simulque domino pręposito collegiique nostri fratribus.
Gratia et pax a deo patre et domino nostro Iesu Christo. Non
te fugere arbitror, Conrade in Christo frater, ut tecum iam pridem
hanc ob causam expostulaverim, quod me et divo Augustino fecisse

--169--

iniuriam in "Archetele" meo, tametsi falso, adseveras et rationes,
quibus illic contra eiusdem verba depugnavi, inciviliter calumniatus
eras, cumque ipse rem hanc calamo tecum agere constituissem, intercesserunt
nostri collegii fratres, quibus et libenter tum cedebamus ea
spe, quod te ad calumnię restitutionem essent inducturi. At istuc
cum minime factum sit, tametsi nihil non tentaverint dicti fratres,
tuque nunc, ut audio, demigrationem pares, denuo iam tecum expostulo,
ut aut calumnię irrogatę maculam confestim diluas aut, quę
minaci calamo tuo scripturum iactavisti, in lucem proferas. Quod si
minus feceris, operam dabo, ut iure cogaris, ac in eum usum a domino
pręposito collegiique nostri fratribus postulo, imo ipsos requiro,
ne te hinc solvere sinatur ulla ratione, ni prius nobis pro prodicta
iniuria satisfeceris.
Actum 11. Aprilis M.D.xxiiij.
Huldrychus Zuinglius
vester.
(Äußere Adresse fehlt).