685

<< Nr. 684 | Index | Nr. 686 >> 

Absender: Zwingli

Empfänger: Thumysen, Rudolf

Ort: Bern
Datierung: 28 I 1528

Vorlage: Huldreich Zwinglis sämtliche Werke, vol. 9 (Leipzig: Heinsius, 1925) (Corpus Reformatorum 96), 352-354

--352--

Gnad und frid von gott bevor
Lieber meister Tummysen! Üwer antwurt, dero ir üch vor rät und
burgeren ünseren Eydgnossen ze geben entschlossen habend, sicht mich nit
übel an, so verr ir die der meinung geben werdend, das ir damit herren
von Geroldsegg von sinem rechten nit wellend tringen. Dann ich verston

--353--

die sach also: Das ir mit denen von Schwytz nit rechten wellind von
sinotwegen, noch úch sinen beladen. Jetz volget aber, das gedachter
von Geroldsegg ab und uss dem sinen sich one recht nit wirt lassen ver=
tryben. Und werdend aber die von Schwytz vermeinen, ir söllind inn ouch
in üwer statt nit dulden, welchs doch eine ewige schand wär, das ir einen
burger, der das recht anrueft, söltind rechtlos mit gwallt lassen vertryben.
Das er aber üwer burgersye, ist wüssembar; dann Einsüdlen ist burger
by úch. Nun ist 's aber der abt nit; dann ir habend imm ein mal ab=
geschlagen, burger ze werden, so ist's ye der von Geroldsegg und mag 's
ghein andrer sin. Hierumb, liebe herren, stat die antwurt wol, wenn

--354--

ir sprechend, ir wellind nützid rechten, soverr ir damit gedachten herren
von Geroldsegg nit lassend vertringen. Dann ir daby ermessen
söllend, das úch ein gar grosser nachteil entston wurde, söltind ir allweg
umb ein yede sach vom rechten darumb getrungen werden, das úch ein
ort berechten wölte zuo Einsüdlen etc. Ir sehend ouch, das sy nútzid
weder üwren nachteil suochend, so sy sich noch nie habend mit einem wort
lassen mercken der mess ze Rute halb. In welchem handel die von
Schwytz glych als wol sich sächer werdend machen als in disem und
damit uff 's recht gen Einsüdlen tringen.
Derstond, fromm, wys, lieb herren alle sach imm besten und haltend
úch hierinn als ich mir gegen üwer ersamgheit wol versich.
Gebenn zuo Bernn, 28. tags Januarii M. D. XXVIII.
Nüw zytung: uff mentag vergangen sind mess und bilder hinweg
kennt.
Adresse fehlt.