735

<< Nr. 734a | Index | Nr. 736 >> 

Absender: Bucer, Martin

Empfänger: Zwingli

Ort: Strassburg
Datierung: 19 VII 1528

Vorlage: Huldreich Zwinglis sämtliche Werke, vol. 9 (Leipzig: Heinsius, 1925) (Corpus Reformatorum 96), 500-502

--500--

Salve observande Zuingli
Isti nostrates sic habent: Qui te appellabit, simus ac gygas ut
ego, veritati studet, ἀλλὰ λαλότερος. Recalvus et subruffus ex ordine
equestri est, et senator pariter a partibus Christi, ἀλλὰ σοφώτερος,
καὶ λουθηρίζει. Praepinguior iureconsultus adhuc τὰ τῆς ῾Ρώμης spectat.
Quartus iunior et debilior corpore ἀκμαιότερός ἐστι κατὰ τὸν νοῦν.
Vocabunt te ad convivium. Quaeso pareas et moneas, ut in iis, quae
Christi sunt, pergant, ac alia, quae ad rem faciunt. Damus modo
nos socordiae nostrae pȇnas, difficilius, quam putabamus, loco moturi,
ad quae suo tempore conniximus quatuor excelsa. Vix dici potest, uti
illa Satan tueatur. Et utinam contingat illa moveri sine aliquo incommodo
Ita obfirmarunt quidem ἐν τῇ βουλῇ animum, ut illa tueantur.
At non erit nobis salus, ne in externis quidem, nisi totos ad dominum
nos converterimus.
Cupide expectamus tuum "Ieschaiah" et "Antilutherum".

--501--

Nugas meas forte recitavit, aut summum earum narravit tibi Pelicanus,
si quid earum probas.
Mone, ut Christophorus libellos quosdam fratribus Bernensibus,
ut recępit, mittat, Capitonis "Hoseas" et meos "Ioannes", antea te
quoque rogavi moneres.
Salutat te Capito, luctans, ut solet, cum sua valitudine, cui tamen
hoc solatii dedit deus, ut brevi, spero, visurus sit ex sua coniuge prolem.
Hedio in ditione marchionis Badensis nunc invisit fratres; ex ea
enim natus est. Proderit eius illo accesus [!]; nutabant enim omnia,
idque ob improbitatem.
[*Hebräisch] Hessus exhibuit iudicio die lunae praeterito Othonem
Pak, equitem auratum et doctorem Misnensem, qui fertur confinxisse
literas foederis, de quibus audisti. Quid illi acciderit, adhuc nescimus.
Vale et rescribe, si non antea, saltem cum his nostris de rebus
vestris.
Fertur episcopus Hildesemensis, propst Waltkirch, etiam acturus
aliquid cum Constantiensi. Hic perhumanum sese exhibuit.

--502--

Vale.
Argentorati 19. Iulii 1528.
Martinus Bucerus tuus.
Saluta Pelicanum et fratres alios. Sequetur currus aliorum nostratium,
at ii φιλήδονοι μᾶλλον ἢ φιλόθεοι. Non puto illos te compellaturos.
Huldericho Zuinglio, observandissimo suo praeceptori - Zurich.