121
<< Nr. 120 | Index | Nr. 122 >>
Entwurf zum Eid für einen, der in die Synode aufgenommen wird
(21. April 1528)
Huldreich Zwinglis sämtliche Werke, vol. 6.1 (Zürich: Berichthaus, 1961) (Corpus Reformatorum 93.1)
Jump to page 536
[Entwurf zum Eid für einen, der in die Synode aufgenommen wird.]
Das der angenomen schwere das, so min herren antrift nach irem
empfelch etc., oder sich verschrybe.
Der ler halb:
[1.] das er die ler und letzgen, zuo dero er angenomen und verordnet
wirt, getrülich welle verwalten nach innhalt der articklen;
[2.] das all sin ler zuo der eer gottes und guotem des nächsten reyche;
[3.] das er ghein nüw dogma, meinung oder ler sunderlich für
sich selbs und mit etlichen personen heimlicher wys leren, ynfueren
oder zuo sect und rotten ziehen welle;
[4.] das er aber, ob inn neiswas ein irrtumb dunckte, sölchs der
kilchen, vor und er daruf tringe, oder der kilchen verordneten gelerten
und wysen offne und sich mit gottes wort nüws und alts testaments
berichten lasse und bericht gebe;
[5.] das er denen, so zuo ufseheren und obren geordnet werdend
mit der zyt, die ler ze schirmen und schicken, gehorsam sin welle;
[6.] das, wo er nach innhalt der articklen uss ungnuogsame oder
versumnus sines ampts abgestossen wurd, da gantz und gar gegen
mencklichem ghein raach tuon welle.