134

<< Nr. 133 | Index | Nr. 135 >> 

Zweiter Ratschlag betreffend den Frieden zwischen Bern und Unterwalden

12. April 1529
Huldreich Zwinglis sämtliche Werke, vol. 6.2 (Zürich: Berichthaus, 1968) (Corpus Reformatorum 93.2)

Jump to page 367 368 369 370 371

--367--

[Zweiter Ratschlag betreffend den Frieden zwischen
Bern und Unterwalden]
Erstlich anzeigen, das üwer schwygen uff tagen gheiner argen meinung
beschehen, sunder vergoumen wellen, das nieman sagen könde:
ir wöltind ünser Eydgnossen [von] B [ern] regieren etc.
Zum andren tringt üch nit üwer, sunder ander biderber lüten not,
wider den friden ze streben. Dann so bald die 5 ort us vorcht gelassen,
so werdend sy Gastal, Wesen und Doggenburg etc. tröwen. Ja,
Glaris förcht sich vor inen; dann von stund an und die pensiönisch

--368--

party vernomen, das den Underwalderen ein ringer bericht,
habend sy sich von nüwem ufgericht etc. Tröwend offentlich uff die
5 ort und die pündtnus mit Ferdinanden.
Zum dritten sye nit arg, das in nüwem burgrecht einandren dryn
geredt werde. Damit werde man sehen, das man einander hanthaben
und nit verfaren welle lassen.
1. Erkennen sich unrecht geton und die pundt nit gehalten haben.

--369--

2. Bitten umb verzig.
3. Bernn des gloubens halb ungescholten haben, ouch nümmermer
lassen noch selbs schelten etc..
4. Sich aller pündten und pflicht verzyhen, die sy gemacht wider
der stetten Z[ürich] und B[ern] glouben.
5. Unseren glouben nümmerme helffen durächten noch darbysitzen,
so man wider den handlen wurd.

--370--

6. Sich gen Feldkilch ze ryten und aller practick wider unseren
glouben gentzlich verzyhen.
7. Sich ouch verzyhen aller unghorsamen unser Eydgnossen von
B[ern].
8. Die pensionen abstellen und frömder herren muessig gon.
9. Alle vogtyen einist überhin lassen gon.
10. 10 iar nit by den Eydgnossen sitzen; denn kumpt erstlich
die vogty Waggental an sy, so sy die ietz überhupfend.

--371--

11. Brief und sigel geben, das, wo sy die artickel nit haltend, der
frid von stund an us sye etc..