154
<< Nr. 153 | Index | Nr. 156 >>
Entwurf zum Synodaleid für die Thurgauer Synode
14. Dezember 1529
Huldreich Zwinglis sämtliche Werke, vol. 6.2 (Zürich: Berichthaus, 1968) (Corpus Reformatorum 93.2)
[Entwurf zum Synodaleid für Prädikanten]
[Seite 1]
1. Proponunt legati nostri.
2. Iubent Turgoici eligi pręsidentes.
Exceptio ante iusiurandum.
Mitt disem eyd wellend wir vorbehalten haben ünseren herren, den
Eydgnossen und aller weltlichen obergheyt ire pflicht, die wir inen
schuldig usserthalb des gloubens und ordnung, die uss zwang gottes
wortes billich sol vorgon.
Es werdend alle pfarrer oder prędicanten schwerren,
[1.] das sy das euangelium und wort gottes nach vermög nüws und
altes testaments getrüwlich und warlich predigen, die sünd straffen,
zucht und tugend leren, wie das eym getrüwen, warhafften lerer, hirten
und wechter nach vermög gottes worts zuostat, wellendt, so vil gott
gibt;
[2.] das sy aller meinungen und opinionen halb, so ietz uff die ban
komen, in irem predigen sich ünserer herren von Zürich etc. und
andrer stetten, so imm christlichen burgrechten sind, predigen
glychförmig machen und ghein nüwe meinung oder opinion, die noch
nit uff der ban ist, wie ioch die einen ieden ansehen möcht, vor und
ee nit harfür ziehen noch predigen wellend, dann sy die vor gemeinem
synodo, wenn der ordenlich gehalten wirt, fürgelegt und die gelerten
und christlichen brueder darumb verhört habendt;
[3.] das ein ieder alle heimlicheyten dises synodi, die, wo sy usgesagt,
yemannen verletzlich sin moechtind, by synem eyd verschwygen
welle;
[4.] und was er zuo notturfft dises synodi ze sagen erfordret wirt, er
by synem eyd sagen und nützid verhaltenn welle;
[5.] das ouch die, so hie nit schwerend, aber als getrüw brueder beholffen
und beraten ze sin komen, ouch by iren eiden trüw haltindt
etc.