165

<< Nr. 164 | Index | Nr. 166 >> 

Supplikation und Begehren der Prädikanten zu Zürich

(19. August 1530)
Huldreich Zwinglis sämtliche Werke, vol. 6.2 (Zürich: Berichthaus, 1968) (Corpus Reformatorum 93.2)

Jump to page 840 841 842 843

--840--

[S.1] Suplication und begeren der prędicanten ze Zürich
an die strengen, vesten, ersamen, wysen etc., ratsbotten der christlichen
stetten, uff 19. tag Augusti ze Zürich versammlet
Fromm, vest etc., lieb herren! Üwer ersam wysheit mag ring erwegen,
was übels und unrates zuo diser zyt, dero alle ding so gefarlich
stond, under den christlichen stetten entston möchte, wo sy in der
leer nit eintrechtig. Es mag ouch das christlich burgrecht zweyerley
ler nit erlyden. So aber Benedictus Burgower, prędicant oder
pfarrer zuo Schaffhusen, vom sacrament des nachtmals Christi nit
glych mit üns in allen andren stetten leret, darus arges nit das kleinst

--841--

erwachsen möcht, ist ünser ernstlich beger an üwer ersam wysheyt:
Die welle ünser lieb Eydgnossen und mittburger von Schaffhusen
darzuo vermögen, das sy üns gedachten Benedicten stellen

--842--

und darzuo halten, das er bericht eintweders von üns empfahe
oder üns gebe; dann wir inn hierinn der unwarheyt und unrechter leer
leider muessend schuldigen, über das er sich vil eins andren hatt
lassen zuo Bernn mercken. Er lert ouch unsicher und valsch, so er
von Christi beden naturen leret, sam die gotheyt ouch gelidten
hab, dess wir inn, ouch anders, so mitlouft, bewysen embietendt.
De- [S.2] muetiklich bittende, ir wellind dise ünser anmuotung im
besten ufnemen. Dann wir zu eintrachtigheyt der stetten geneigt sölches
ansinnend und sust us gheiner andren ursach; habend ouch
lang gewartet, ob er sich endren und bessren wölte; so aber das
nit wil sin, nöt üns die anligende notturft der einigheyt, sölches
anzebringen.

--843--

Üns zwyflet ouch nit, es sygind die prędicanten zuo Bernn und
Basel glych mit üns in dem handel gesinnet.
Uwer ersamen wysheyt undertänige
predicanten zuo Zürich.