183
<< Nr. 182 | Index | Nr. 185 >>
Ein Kalenderspruch für die im Christlichen Burgrecht Verbündeten
7. Oktober 1531
Huldreich Zwinglis sämtliche Werke, vol. 6.5 (Zürich: Theologischer Verlag, 1991) (Corpus Reformatorum 93.5)
[Ein Kalenderspruch für die im christlichen Burgrecht Verbündeten]
Ir herren und stett samenhafft
von der christlichen burgerschafft,
sehend ob allem uff zwey ding,
so wirt üch alle gefaar ring.
Erstlich erkennend gottes gaab,
darnach warumb ers geben hab.
Das er sin willen und warheyt
uch so klarlich hatt fürgeleyt,
do ir sampt andren in der nacht
irrtend, er üch das liecht gebraacht,
ist das nit das gröst gnaden stuck?
Dann welcher herr ist, der nit schmuck
unnd berge all sine raadtschleg?
Aber gott hat üch sine weg,
sinn und meinung fry ufgethan
dess im kein hertz gnug dancken kan.
So er nun üch zu sinem gschir
für ander gkießt, so gloubend mir,
er wil etwas damit schaffen,
drumm sölt irs nit übergaffen
sunder alle macht ankeren,
das man dem unrechten weren
und das recht widrumb mög zwyen,
ouch helffen denen, so schryen,
getrengt umb des gloubens willen,
damit werdend ir verstillen
gottes zorn, den wir wol verdient,
dann der wirt mit bessren versünt,
so werdend ir syn gottes rych
hie und dört mit fröud ewigklich.
Anhang
I
Der Zettel, auf den die oben als Ausgabe B.1 beschriebene Ausgabe
geklebt ist, enthält folgende zeitgenössische Notiz:
<<Die von Zürch haben kalender ausgeen lassen, darinn sie die newen burger, namlich
Hessen, Costents und Straßburg oben an gesetzt etc., haben aber die fünff ortt die
gemelten von Zürch darzu genöttigt, das sie die [i.e. die Verse und Wappen] von den kalendern
haben müssen herab schneiden etc., sunst die nit ausgeen lassen wöllen, wir
[Verschrieb für: wie] ir denn hie bey ligend sehend, wie sie dann die oben herab geschnitten
etc. ...>>
II
Die oben beschriebene Abschrift C enthält folgenden Anhang:
Subscriptio cuiusdam
Disen spruch hot Zwingli gmacht /
dar mit der christen wolfart btracht /
amm samstag, was der sibent tag /
octobers, ist wie ich euch sag /
des ain und drisigisten jars /
dar in vil boßs volbracht der mars /
er [i.e. Zwingli] bracht yn selbs yn truckerey /
und hot damit beschlossen frey //
sin ler und gschrifft zur selben frist /
dan er hernach erschlagen ist /
[am Beginn der Zeile gestrichen: d] zu Cappel an der selben schlacht /
da er sin leben klain hot gacht /
da mit gots eer und dapferkait /
friden und ware ainigkait /
het mügen khon yn d'cristenhait.