6
Zeugenaussage zu den Soldverträgen mit dem Ausland
1521
Huldreich Zwinglis sämtliche Werke, vol. 1 (Berlin: Schwetschke, 1905) (Corpus Reformatorum 88)
Jump to page 73
M. Uolrich Zwingliß sag.
Durch ein frow syge inn angelanget, wie hie Zürich in einem huss etlich
bieinanderen gesessen - nit wüsse er, ob die Züricher oder anderschwohar
sygint - unnd habind undereinandern geredt, wie man meine, wo unser
Eydtgnossen denen von Kiburg, der herschafft Grüningen, deßglich dem
Zürichsee, fürgebint unnd also uss einer statt und lantschafft vier ort
machtind, ob sy nit dann ouch in die frantzösisch vereingung gan wurdent.