Deprecated: Function create_function() is deprecated in /usr/local/ftp/irg/public_html/static/zwingli-briefe/pmwiki.php on line 499

Deprecated: Function create_function() is deprecated in /usr/local/ftp/irg/public_html/static/zwingli-briefe/pmwiki.php on line 499
Huldrych Zwingli Briefe - 272

Institut für Schweizerische Reformationsgeschichte

272

<< Nr. 271 | Index | Nr. 273 >> 

Absender: Hadrian VI.

Empfänger: Zwingli

Ort: Rom?
Datierung: 23 I 1523

Vorlage: Huldreich Zwinglis sämtliche Werke, vol. 8 (Leipzig: Heinsius, 1914) (Corpus Reformatorum 95), 13-14




--13--

Adrianus papa VI.
Dilecte fili, salutem et apostolicam benedictionem. Remittimus
venerabilem fratrem Ennium, episcopum Verulanum, praelatum
domesticum nostrum et apostolicae sedis nuncium, hominem prudentia
et fide praestantem, ad istam invictam nobisque et huic sanctae sedi
coniunctissimam nationem, ut de maximis rebus nos et eandem sedem
totamque Christianam rempublicam concernentibus cum illa agat.

--14--

Licet autem ei dederimus in mandatis, ut ea communiter cum omnibus
et publice tractet, tamen, cum de tua egregia virtute specialiter
nobis sit cognitum nosque devotionem tuam arctius amemus ac diligamus
ac peculiarem quandam in te fidem habeamus, mandavimus eidem
episcopo, nuncio nostro, ut tibi separatim literas nostras redderet
nostramque erga te optimam voluntatem declararet. Hortamur itaque
devotionem tuam in domino, ut et illi omnem fidem habeat et, quo
nos animo ad honores tuos et commoda tendimus, eodem tu in nostris
et dictae sedis apostolicae rebus procedas, de quo gratiam apud nos
invenies non mediocrem.
Datum Romae apud sanctum Petrum, sub annulo piscatoris,
die 23. Ianuarii anno 1523, pontificatus nostri anno primo.