536

<< Nr. 535 | Index | Nr. 537 >> 

Absender: Oecolampad, (Johannes)

Empfänger: Zwingli

Ort: (Basel)
Datierung: 13 X (1526)

Vorlage: Huldreich Zwinglis sämtliche Werke, vol. 8 (Leipzig: Heinsius, 1914) (Corpus Reformatorum 95), 735-736

--735--

S. in Christo. Mi frater
Vitus, qui litteras tuas reddidit et Lutheri puerilem libellum,
Argentoratum profectus est. Scripsi fratribus, qui illic, ut consilium
suum communicent, quod nimirum facturi sunt. Meo suffragio
Lutherum adorieris, quo relatrante collatrant omnes, qui ab eo
pendent, et obmutescente obmutescunt et sui. In Urbano Regio
Augustani plerique constantiam desiderant. In enarratione 26. cap.
Matthaei [Matth. 26. 1ff.] recte se gessisse dicitur. Dominus illi
ulterius assistat.
Sychardum autumo gratificatum impio Fabro, et episcopalis
cuiusdam aulae ambientem indignis pręconiis Clementem celebrasse.

--736--

Factum pęnitendum non probo. Ex cantonibus Helvetiorum non
fuerunt hic alii pręter Scaphusanos et Glareanos, qui citra
euangelii mentionem iuramentum fęderis amplexati sunt. De reliquis
nihil auditur. Commendo me tibi et fratribus.
Vale.
13. Octobris.
Tuus Oecolampadius.
Hulrico Zwinglio, fratri charissimo. - Zurch.