236
<< Nr. 235 | Index | Nr. 237 >>
Absender: Erasmus von Rotterdam
Empfänger: Zwingli
Ort: (Basel)
Datierung: 8 IX 1522
Vorlage: Huldreich Zwinglis sämtliche Werke, vol. 7 (Leipzig: Heinsius, 1911) (Corpus Reformatorum 94), 582
--582--
S. Eruditissime Zuingli. Legi paginas aliquot "Apologetici" tui.
Obsecro te per euangelii gloriam, cui scio te unice favere, et omnes,
quotquot Christi nomine censemur, favere debemus, ut, si quid ędes
posthac, rem seriam agas serio et memineris euangelice tum modestię
tum prudentię. Consule doctos amicos, antequam aliquid edas in vulgus.
Vereor, ne ista apologia conciliet tibi magnum periculum et
euangelio officiat; etiam in his paucis, que legi, multa sunt, de quibus
volebam te admonitum. Non dubito, quin tua prudentia sit hec boni
consultura. Scripsi enim animo tui studiosissimo, ad multam noctem.
Bene vale.
Natali virginis matris anno 1522.
Erasmus tuus.
Integerrimo domino Ulricho Zuinglio, pastori Turicensi.