28
Absender: Salzmann (Salandronius), Jakob
Empfänger: Zwingli
Ort: (Chur?)
Datierung: 16 IX 1517
Vorlage: Huldreich Zwinglis sämtliche Werke, vol. 7 (Leipzig: Heinsius, 1911) (Corpus Reformatorum 94), 66-67
--66--
S. D. Oportune quidem, suis et horis, doctissime Zwingli,
Lactantium Firmianum tuum, quem in Thermis Paphiis (sic
ardes musas vel sacras) tecum habuisti, in usus meos per aliquot dies
dari ad me repeto. Audio enim te nescio quos egregios codices Basilęę
in via ex Aquisgrano redeuntem comparasse. Quorum lectione
(ut tum solemus nova quasi devorare) occupatus, cui ego nullam, dum
mecum erit Lactantius, requiem ......... faveas, doctissime, libro eundemque
cum Crispino nostro ad me remitte, mei Lactantii et toge
et pallio splendorem et ornatum additurum: is enim in latinis et graecis
Lactantio penitus est dissimilis. Quare, doctissime mi Zwingli,
Salandronii tui, cui nec unquam eruditione defuisti, studium libro
--67--
istoc tuo adiuta! Ego enim corpore et animo in quibus possum, ut
debeo, sum defuturus nunquam. Magistrum Franciscum podagra
levatum, letanter suscipito, eoque musice et genialiter fruere animo
et corpore felix, mi doctissime preceptor. Dominum Lucam et Uolricum
Studer nomine meo saluta.
Bene vale. Si per ocium datur, scribe librorum a te emptorum
nomina. Commendo me tuis orationibus.
Die Septembris xvj anno Domini MDxvij.
Iacobus Salandronius tuus.
Doctissimo et observandissimo suo preceptori Uolrico Zwinglo [!],
viro philosopho et theologo non vulgari.