363

<< Nr. 362 | Index | Nr. 364 >> 

Absender: Finer, Peter

Empfänger: Zwingli

Ort: Basel
Datierung: nach 6 III 1525

Vorlage: Huldreich Zwinglis sämtliche Werke, vol. 8 (Leipzig: Heinsius, 1914) (Corpus Reformatorum 95), 306-307

--306--

Enad und frid in unserem hern voran, getrüwer lieber her.
Als ir mir uß bruederlicher lieb, duo ich zuo Zuirich was, schuffen von
dem Enderly etlich gelt, weliches ich langist solt bezalt haben, han ich
solich handel bißhar mit minem schweher gehebt, das ich's nit han mügen
uffbringen. Nuon weiß ich aber wol, das er's darff und ich's langist verheissen
han zuo gen. Han ich im ouch dorvon geschriben, das er in minem
costung ilentz ein gewissen botten harab schick mit den beiden köpffen; wil
ich luogen, das mir etwan ein guotter fründ sovil liche, das ich die köpff
endledige, domit ich im das sin nit so lang uffziechen muefy. Nit me den,
min meister Uorich, sind doran, das es ilentz geschch, diewil mich der
bott noch hie findt. Und er darff nit sorgen; geb dem botten die köpff,
bis ich einen find, der löst.
Nit me den: der her sy mit üch.
Mine hern von Basel thuond ouch ally clöster uff und gend eim
ietlichen, was er in hat brocht.
Datum Basileę post Invocavit 1525.
Petter finer üwer willinger.

--307--

Möcht der bot biß Suntag oder lengst Mentag hie sin, wer mir vast
lieb; ich schem mich, das ich in so lang uf han muessen ziechen.
Dem rechtlerenden cristenlichen hirtten meister Uolrichen Zwingly
zuo Zürich.