504

<< Nr. 503 | Index | Nr. 505 >> 

Absender: Hofen, Thomas von

Empfänger: Tremp, Leonhard

Empfänger: Zwingli

Ort: (Strassburg)
Datierung: 9 VII 1526

Vorlage: Huldreich Zwinglis sämtliche Werke, vol. 8 (Leipzig: Heinsius, 1914) (Corpus Reformatorum 95), 655-656

--655--

Min fründtlich gruoß unnd alles guots zuovor. Ersamer, wyser, sunders
lieber unnd guotter fründ.
Als ich herab gan Straßburg komen bin, ist die disputation, zuo
Badenn in Erg'oum gehaltenn, zum teil, der substantz nach, getruckt.
Derselbenn buechlin hat doctor Capito ettliche meister Uolrich Zwinglin
schickenn wollenn. Ulfo ift der bott zuo Wettingenn by Badenn nider=
geworffenn unnd im die buechli unnd brieff genomenn unnd uffgebrochenn.
Uff söllichs hand miner herrenn der Eidtgnossen bottenn der xij ort ab
nächstgehaltnem tag zuo Badenn dem genampten doctor Capito einen
schmächlichen brieff zuogeschickt, unnd er hinwider inenn ein andtwurt, als

--656--

ir an ingelegtenn coppyenn werdenn sächenn, die ich üch sampt dem
buochlin der disputation zuoschickenn. Unnd wo ir mir ettwas wöllenn
zuoschribenn, so schickenn den brieff in mins herren Lumbarts huß; der
kan mir den brieff wol alltag herabschickenn. Unnd damit mir der
brieff zuokome, so machen die überschrifft an Thoman von hofenn, der
do wonot zuo Straßburg by dem predicanten zuo Sannt Martin, ge=
nampt Cimprian.
Nit mer dann: gott halt üch in siner huot.
Datum Mentag vor Sannt Margrethen tag anno etc. xxvj.
Thomas von Hofen.
Un den ersamen, wysenn Lienhart Trämpenn,
burger zuo Bernn, sinem liebenn unnd guottenn fründ. - (Diese
Adresse ist gestrichen und von Tremp ersetzt durch folgende:)
Un meister Uollrich Zwinglin zuo Zürich.