508

<< Nr. 507 | Index | Nr. 509 >> 

Absender: Kolb, Franz

Empfänger: Zwingli

Ort: Nürnberg
Datierung: 17 VII 1526

Vorlage: Huldreich Zwinglis sämtliche Werke, vol. 8 (Leipzig: Heinsius, 1914) (Corpus Reformatorum 95), 664-665

--664--

Gratiam et pacem a deo patre et domino nostro Iesu Christo
[Röm. 1. 7. u. ö.]
Optime frater, congratulor veritati, per quemcunque triumphet.
Pius deus tandem ab omni seductione Antecristi nos eruat. Amen.
At timeo, quod caput hoc forte serpentis non facile se sinat tęrere
sine Christi sangwine [1. Mos. 3. 15]. Nam sicut sangwinem credit, sic
sangwinem sitit. Quid tuis ad senatum nostrum expediveris scriptis,
nescio; hoc certo scio, quod gravi mulcta inhibitum est librorum venditoribus,
ne apicem vel iotam scripti tui, aut Ecolampadii vendant.
Clamant forcius contra, quam clamarint unquam contionatores nostri:
Verbum domini, verbum domini clarum est, simplex est. Ubique est et
carnem assumpsit et secum ubique habet. Nolunt Cristum hic vel ibi,
nec eciam ad dextram patris demonstrari, sed ubique. Timeo, mi frater,
quod dominus deus valde velit confundere eos. Timeamus igitur omnes
et ne gloriemur in his, in quibus plus timere opportuit, et humiles
gratias agere. Hoc michi in omnibus nobis est valde detestabile:
Clamamus cottidie, nihil initendum [!] patrum vel sanctorum scriptis,
canonicis non adprobatis, quia erarint [!] sancti aliquando et errare
potuerint. At nullus nostrum ullo convinci vult errore. Timeo vere
futurum illud Iesaiae 29. [Jes. 29. 13f.]: "Peribit sapientia a sapientibus

--665--

eius etc. eo, quod populus ore appropinquat et labiis glorifficat [!],
cor autem longe est a me, dicit dominus". Quare futurum estimo,
sicut in prima institucione ecclesiae, quod suscitaturus sit deus idiotas
et mundi stultos [1. Cor. 1. 27], qui confundant doctos et in fide nos
faciant unanimes. Quanto studio in pluribus locis sacre litere frequentantur,
lingwe quoque exercitantur! at instar edifficancium [!] Babel
ubique confundimur [1. Mos. 11. 8], contendimus et carnales invenimur.
Est mirabile apud me iudicium et in silentio secretum. Reliquum
scripsi Bertoldo Bernensi, quomodo degam in ocio Nürenberge;
si mea egeat ope, paratus sim venire ad se. Esset mihi satis bene
provisum cum aliis fratribus meis, qui dominis resignarunt claustrum
cum omnibus bonis; sed quia non possum convinci, ut credam, quod
multi, cogor, nescio quando iterum destinari in exilium. Tu interim
age, si quorsum mei egeas locorum.
Vale.
Datum Norice 17. Iulii anno 1526.
Saluta meo nomine Leonem cum fratribus et sororibus Cristi.
Franciscus Kolb, vester in Cristo.
Scripsi Ioanni Honecker satis ardue. Epistolam non clausi,
ut legas; lectam claudas et, si tibi videatur mittenda, mittas.
Strenuo militi Cristi Uodalrico Zwingli, praecipuo ecclesiaste
ad manus. - Her Uolrich Zwinglin.