523

<< Nr. 522 | Index | Nr. 524 >> 

Absender: Wannenmacher, Johannes

Empfänger: Zwingli

Ort: Freiburg im Uechtland
Datierung: 29 VIII (1526)

Vorlage: Huldreich Zwinglis sämtliche Werke, vol. 8 (Leipzig: Heinsius, 1914) (Corpus Reformatorum 95), 698-699

--698--

Gracia et pax domini nostri Iesu Christi sit semper tecum, dilectissime
frater.
Min hertzallerliepster bruoder! Wissin min schlechte gesuntheit von den
gnaden gottes; ich muoß ietz für guot nemen, ich hett's etwan nit angsehen.
Ich wolt ouch von hertzen gern vil guots von üch hören und vernemen.
Ich hab worlich lang von keinem bruoder nie grösser freud entpfangen,
denn do mir Ruodolff den brieff von üch bracht. Ich danck üch zum
höchsten üwerß früntlichen schribens; wolte got, dz ich solichs umb üch
könde beschulden etc. Eß ist ein priester by uns, heißt dominus Arnoldus;
ich mein, ir soltend in wol kennen. Der wil unß all reformieren
und regieren; er ist min gröster figend von wegen dz ich guots von den
von Zürich und von üch red; er wolt mich für gmein Eidgnossen
citiert haben etc.; er persequirt die frummen brüder all etc. Wir wolten

--699--

gern wissen, wie er sich zuo Zürich gehalten hab, dz er nit darff wider
dar kummen. Er klagt vast vil und lǒfft den herren noch und practiciert;
man würt sin worlich bald müd; wann die herren hand's nit gern etc.
Hec aput te maneant propter fratres, quos odit et persequitur etc.
Min lieber meister Uolrich, lassen mich wissen, wie eß stand, ob dz wort
gotts sich by den Tütschen mere oder mindre. Wir hoffen, der beͣr
werde bald ein rechter euangelist; gott geb sin gnad darzuo. Domit ich
üch mit miner ungeschickten red oder schrifft nit bemüge, so bevilhe ich
üch dem herren; der welle alle zyt mit sinen gnaden üch bywonen. Min
bruoder Hanß Kotter, organist, laßt üch früntlich salutieren.
Datum Friburgi 29. Augusti.
Gruessen mir üweri hußfrowen und alls üwer gsind.
Ioannes Vannius, cantor,
din bruoder.
. . . fratri Huldricho Zuinglio . . .