543

<< Nr. 542 | Index | Nr. 544 >> 

Absender: Oecolampad, (Johannes)

Empfänger: Zwingli

Ort: Basel
Datierung: 20 X (1526)

Vorlage: Huldreich Zwinglis sämtliche Werke, vol. 8 (Leipzig: Heinsius, 1914) (Corpus Reformatorum 95), 754

--754--

S. in Christo.
Intra paucos dies certiora nos opinor de Wittembergensibus
cognituros. Expedit igitur tardius responsionem parare Martino et
interim orare dominum, ut spiritu suo nobis assistat, ne quid ministerio
nostro indignum agamus. In Struthione opprimendo quid
interim utile iudicent fratres Argentinenses, ex Capitonis literis
intelliges. Me nihil aliud movet, quam ut Marchionatui per te
consuleretur.
Quin neque Fabro mox responderi velim ob causam, quam nuper
cum Christophoro scripsi. Quantum ex amicis expiscari licet,
nostra civitas pręfationi et appendici actorum Badensis disputationis
non subscribet. Spero autem, quod et alios centones quosdam suae
sententiae suffragatores habitura sit, ut irritentur per Christum impiorum
consilia [Ps. 33. 10]. Dominus spiritu suo indies magis ac magis
te roboret.
Pellicanum et Leonem saluta. Adiunxi et meas, quas ab
Argentinensibus accepi, literas tuis, ut illorum animum ipse ediscas
uberius. Pręterea nullo tibi opus calcare.
Vale.
Basileę, 20. Octobris.
Tuus Oecolampadius.
Hulrico Zwinglio, fratri suo charissimo. - Zurch.