684

<< Nr. 683 | Index | Nr. 685 >> 

Absender: Ritter, Erasmus

Empfänger: Zwingli

Ort: Schaffhausen
Datierung: 15 I 1528

Vorlage: Huldreich Zwinglis sämtliche Werke, vol. 9 (Leipzig: Heinsius, 1925) (Corpus Reformatorum 96), 350-351

--350--

Graciam et pacem a deo per Ihesum Christum.
Solicitudinem tuam in Christi negotio proximis literis tuis
probe didici, tuoque consilio, quantum licuit, sum usus, sed quid effecerim
ex ore Henrici accipies. Miseret me populi [Matth. 9. 36], qui adeo
avide audit verbum, sed ob avariciam quorundam prohibitur (!), ne
verbum multo cum foenore currat, pauci licet sint; verum cum homines
sunt (!), qui ventrem deum posuerunt [Phil. 3. 19], nichil dignum euangelio
nec agunt nec constituunt, ut timeam, me saltim operculum esse omnis
impietatis, quo vulgo satis fiat etc. Reliquum: sicophanta ille pessimus
Gallus ab officio est eiectus, duoque viri senatores ad hoc sunt
ordinati, ut alium in ejus locum substituant, quorum unus infensissimus
euangelio nititur nobis intrudere Benedictum Burgouer de Sancto
Gallo, alter amicus euangelii petiit maiorem imodum (!), ut rem

--351--

tibi indicarem, ut si aliquem pium et eruditum virum, vel Argentinę,
vel Basilee, Berne, Tigurii (!) reperire queas, saltim ostendas
absque omni mora, ne lupus ille introeat. Sed lege eciam literas
illas inclusis (!) tuis.
Vale et Erasmum tibi commenda. Rescribe quam citissime.
Ex Scaphusia 15. Januarii 1528.
Erasmus Ritter, tuus ex animo.
Dem hochgelerten herren Huldenrich Zwinglin, sinem lieben herren -
zuo Bernn.