737

<< Nr. 736 | Index | Nr. 738 >> 

Absender: Oecolampad, (Johannes)

Empfänger: Zwingli

Ort: Basel
Datierung: 22 VII (1528)

Vorlage: Huldreich Zwinglis sämtliche Werke, vol. 9 (Leipzig: Heinsius, 1925) (Corpus Reformatorum 96), 505-506

--505--

Gratia et pax a Christo.
Mi frater! Dominum oro, ut opus contra Lutherum prosperetur
in manibus tuis. Slesitarum libellum cum Pellicano transmiseram.
Miror, quod ille non reddiderat, Alterum eorundem apud me retinueram,
quem nunc mitto. Videbis in eo, quod et illorum dicta minus
candide citarit. Ego eorum mentionem facere nolui, quod meas tantum
partes susceperim defendendas. Porro, si tu quippiam in meis desideraris,
iure tuo addere vel minuere poteris. Quę de περιγραφῆς, ut
substantiali differentia veri corporis, scripsi, ut in eum locum incideris,
velim te expendere. Mihi sane videtur, ut non est homo, quin sit
rationalis, ita nec corpus, nisi quantum.

--506--

Bucerus quę scripserit, opinor te accepisse pridem. Mitto tamen
et exemplar meum, si fortasse nondum ad te pervenisset. Fideliter
per omnia egit.
Adulescentem hunc tibi commendo, si quando tua opera habuerit
opus. Poterit enim aliquando pluribus prodesse, si fervorem isthic
Christianum hauserit.
Vale.
Basileę 22. Iulii 1528.
Oecolampadius.
Hulrico Zwinglio, suo charissimo fratri.