757

<< Nr. 756 | Index | Nr. 758 >> 

Absender: Oecolampad, (Johannes)

Empfänger: Zwingli

Ort: Basel
Datierung: 5 IX (1528)

Vorlage: Huldreich Zwinglis sämtliche Werke, vol. 9 (Leipzig: Heinsius, 1925) (Corpus Reformatorum 96), 543-544

--543--

Gratia et pax Christi tecum.
Hic frater, mi Huldrice, fidelis mihi apparet, malens manu
laborare; quam ultra sectari abominationem papisticam. Pulsus est a
principibus. Nihil aliud petit, quam ut artem quampiam addiscere
queat. Non invenit hic locum. Nolim tibi id oneris iniungere, quem
scio maioribus negociis impeditum. Sed nosti forte pium aliquem civem,
qui iuvare illum queat; huic tu hominem commendes. Fortassis propediem
dominus illum ad ministerium suum revocabit.
Nos hic perpetuo haeremus, confligentes cum adversariis ac provocantes,
sed frustra. Veritas paucos habet patronos; proinde vereor, quod
dies iudicii nostri sit appropiatura. Qui fratrem Thomam lesit, quamvis
convinci possit multis nominibus, quae referre pudet, unam tantum
persolvit mulctam, quod pacem, postquam nomine dominorum indicta
fuit, servare noluerit. Cęterae eius contumeliae nondum punitę, quamvis
graviores. Thomas, ut erat innocentissimus, ita et declaratus.
Bugenhagium si nondum accepisti, fac sciam, proximo nuncio
mittam. Nostri enim typographi et bibliopolae sollicite tales libellos
conquirunt. Quae scilicet insignis eorum erga nos fides
!

--544--

Bene vale.
Basileę 5. Septembris 1528.
Oecolampadius.
Huldrico Zwinglio, dilecto suo fratri,
euangelium Christi feliciter Tiguri docenti.