116

<< Nr. 115 | Index | Nr. 117 >>

Absender: Christian, Abt zu St. Johann

Empfänger: Zwingli

Ort: (St. Johann)
Datierung: 14 I 1520

Vorlage: Huldreich Zwinglis sämtliche Werke, vol. 7 (Leipzig: Heinsius, 1911) (Corpus Reformatorum 94), 258-259

--258--

Unßer früntlich gruotz, und waß wir liebs und guotz vermügend, zuovor,
lieber maister Uorich.
Demnach und wir üch alweg in dem, das ünß zuo nutz dienen möcht.
genaigt und guotwillig erfunden hond, ist aber ünßer pitt, in hofnung
solichs von üch gewärt z' sin, das ir helfind und rǎtind, ob die pfronden,
so wir gernn von nüwem incorporiertin, daruf etlich costung gelägt, als
üch wol wüsend ist: ob es jetzund erlangt möcht werden vom[!] dem legaten,
gesent zuo ünsren heren, den Aidgnosen, doch das kraft möcht
han und bestentlich sin; und ob es nit gsin möcht, dan mit grossem costung
um al fier pfronden, wann den nun die zwoo möchtin inglipt wärden,
namlich Sancte Agnetis an der Clus zuo Kalcheren in Curer bystuom,

--259--

und Sancti Nicoǎli [!] zuo Mǎgelsperg in Costentzer bystuom gelägend.
Darum handlend in der sach, wie üch guot bedunckt z' sin, als
wir dän üch wol truwend; und waß das costen wirt, und wie es um üch
stand, schribend ünß, als erst ir mügend; und ist es not, so schickend ain
aignen botten in ünsrem costen. Das wend wir erlich bezalen und um
üch verdienenn, als fer ünßer lib und guot langt etc. Wüssend, das euwer
liplich brueder, ich und mine coventbrueder noch frisch und gesund sind
von den gnaden gotz. Nit mer, dan got der herr habi üch alweg in
sinem götlichen schirm etc.
Datum am xiiij tag January anno Mcccccxx.
Cristianus, abbt
zuo Sant Iohann.
Dem wolgerlerten heren maister Uorich [Zwin]gli, pfarrer Zürch
zum Grossen münste[r], [sinem] besundren günstigen heren etc.