137

<< Nr. 136 | Index | Nr. 138 >>

Absender: Nepos, Iacobus

Empfänger: Zwingli

Ort: (Basel)
Datierung: 5 V (1520)

Vorlage: Huldreich Zwinglis sämtliche Werke, vol. 7 (Leipzig: Heinsius, 1911) (Corpus Reformatorum 94), 309-310

--309--

S. P. D. Humanissime domine, crede mihi, quicquid in rem tuam
facere possim, id libenti animo me facturum. Itaque posthac liquido
ad me perscribas velim, quos libros adhuc desideres. Scripsisti
Hieronymo, quid librorum miserit aut non miserit, nec [!] quos adhuc
emi velis, nescio. De iuvenibus, quos te dicis missurum, tibi
Gaspar Hedio scripturus est. Sicuti antea scripseram: aliquot
Homeri libros ex "Odyssea" publice professurus sum. Si qui praeterea
iuvenes essent, qui utramque linguam coniungere vellent, iis
nollem deesse, si scirem animum tuum aut quales nam essent. Igitur
ad me perscribas velim, quot et qui sint, aut cui rei maxime studere
velint. Si enim fieri commode posset, aliquot ad me acciperem, ut et
mecum in mensa essent. Id tamen ante festum beati Ioannis Baptistę
[i. e. 24 Juni] nullo modo fieri posset. Sed nescio etiam, quid
agendum sit, praesertim cum non norim animum doctissimi domini
Heinrici Glareani. Tu (ut spero) melius in hac parte iuvenibus
et mihi consulere potes, qui iam animum illius cognitum habeas.
Vale doctissime domine.

--310--

Me tuę mando fidei. Pluribus iam tecum agere non possum, qui
occupatior sim, quam antea nunquam.
Quinto die Maii.
Famulus tibi deditus
Iacobus Nepos.
Doctissimo domino, domino Vodalrico Zinglio,
amico integerrimo. Tiguri.