139

<< Nr. 138 | Index | Nr. 140 >>

Absender: Curio, Valentin

Empfänger: Zwingli

Ort: Basel
Datierung: 16 V 1520

Vorlage: Huldreich Zwinglis sämtliche Werke, vol. 7 (Leipzig: Heinsius, 1911) (Corpus Reformatorum 94), 313-314

--313--

Valentinus Curio Udalrico Zwinglino S. D.
Ecce iuxta datam nuper fidem Lucianum conglutinatum tibi
mitto. Dignus profecto liber est, qui a te, hoc est vero germano lectore
suo, tractetur. Habes, inquam, Hussitę damnati libellulum, qui
inscribitur: "De causa Boemica", item "Disputationem Lutherianam"
cum dialogis quibusdam Huttenicis, quos disperiam [!], si
non legisse voles: tam pulchre seculo iam nostro conveniunt. Proinde
ad te redirent quam primum curavi, etiam iamdudum persuasum
habens, te optimum non nisi in optimis libris versari posse. Cęterum
Luciani prętium ex praesentium latore (quinque aureorum videlicet)

--314--

tibi nuper significatum opinor; tanti enim et non minoris, citra iacturam,
vendibilis exponitur. Sed tamen, ut amicissimo alioqui mihi
etiam in hoc satisfacerem, volui reliquos iamiam nominatos libellulos
auctarii nomine addere, ut essent argumentum meę erga te sincerioris
amicicię, quam perpetuam semper fore cupide desydero.
Bene vale atque, si quid in rem tuam Curionem efficere volueris,
persuasum habe, eum imperio tuo pariturum.
Datum Basileę vigilia Ascentionis [!] anno etc. xx.
Doctissimo Udalrico Zwinlino,
utriusque linguę perito, contionatori apud Turegum facile primario,
suo superiori semper observando.