148

<< Nr. 147 | Index | Nr. 149 >>

Absender: Nepos, Iacobus

Empfänger: Zwingli

Ort: (Basel)
Datierung: 22 VII (1520)

Vorlage: Huldreich Zwinglis sämtliche Werke, vol. 7 (Leipzig: Heinsius, 1911) (Corpus Reformatorum 94), 335-336

--335--

Salutem D. Novi nihil apud nos est praeter "Dialogum Hennonem
rusticum nomine", nec nisi unum exemplar; mox, ut spero, arte
chalcographica disseminabitur. In hoc summi pontificis legatus non
aliter, quam olim Iulius ille, suis depingitur coloribus. Stilus non
multum abest ab illius, qui Iulium ędidit. Brevi Erasmi nostri
"Antibarbari" emittentur. Magister Heinricus Glareanus hinc
discedens mihi pollicebatur se curaturum, ut tres saltem iuvenes ad
me mitterentur; quid fuerit impedimento, me latet. Iam audio tres
puerulos, quos dominus reverendus cardinalis huc missurus est,
superesse. Si id tuum esset consilium, ęquam inirem conditionem.
Tu tamen pro tua humanitate in hac parte multum prodesse posses;
quod ut facias, obnixius peto, si tibi non incommodum. Nec plura

--336--

expetam quam alii. Omnia hic chara sunt, nec posthac aliquis
XVI aureis victum sibi emet, ut olim. Primum Theodori "Grammatices
librum", aliquot praeterea "Luciani dialogos" additis epigramatis
Graecorum selectis, interpretor; XX sunt auditores.
Vale, et me mutuum ama, aut te amare sine.
Dominica ante divi Iacobi.
Tibi addictus
Iacobus Nepos.
Docto ac pio concionatori domino magistro Vdalrico Zinglio,
amico integro. Türegii.