186

<< Nr. 185 | Index | Nr. 187 >>

Absender: Zink, Franz

Empfänger: Zwingli

Ort: Einsiedeln
Datierung: 20 VIII 1521

Vorlage: Huldreich Zwinglis sämtliche Werke, vol. 7 (Leipzig: Heinsius, 1911) (Corpus Reformatorum 94), 467-469

--467--

Ulrico suo salutem.
Hortaris me, ut dicta tibi a consule die tibi haud desim, cui
causa hec tua eque ac propria cordi est. Litteras equidem scripsi
et ad te mitto, quibus senatus plane vereque rem intelliget. Tu, ut
nosti, cordate age et in domino confide, qui te aliquando ab is [!]

--468--

liberabit erumnis. Dolet manus, ut vix, que volui, scribere potuerim.
Domino Vadiano me commendes, et quando redituri sint ipse

--469--

alterque medicus Bernardinus ad sancti Galli oppidum, hoc nuncio
me certiorem facito, ut eos mox illuc sequar. Misisti preterea ad me
scuta Francica 37. Velim autem, ne hinc aliquod patiaris incomodum.
Si iis opus habeas, rescribe, et de iis ad libitum dispone. Gentem
nostram nostro nomine salutabis. Administratorem febricula nuper
reliquerat, antequam domum rediissem, qui etiam, et alii nostri, te
plurimum salutant.
Vale.
Ex Eremo 20. Augusti MDXXI.
Franciscus tuus.
Ulrico Zuinglio, theologo, amico charissimo.