213

<< Nr. 212 | Index | Nr. 214 >>

Absender: Xylotectus, Johannes

Empfänger: Zwingli

Ort: Luzern
Datierung: 7 VII 1522

Vorlage: Huldreich Zwinglis sämtliche Werke, vol. 7 (Leipzig: Heinsius, 1911) (Corpus Reformatorum 94), 530-531

--530--

Ioannes Xylotectus Huldricho Zuinlio S. D. P.
Sacrificus quidam nostras scorti sui maritum confecit. Scortum
sacrificus aliquandiu invito marito aluit. Maritus eum de restituenda
preda Lucernae convenit. Hinc cum scorto redeuntem in itinere
deprehendit, adgreditur loethiferoque vulnere cadit et tandem moritur.
Hoc ideo te scire volui, ut, si commode inserere libello, quem
parturis, posses, exemplum haberes recens, quanta noster coelibatus
non modo scandala, verumetiam pericula pariat, quibus legittimo coniugio
foelicissime mederi possent nostri Helvetii. Noster item
Bodenler dominica pręterita multa in sacerdotum coniugia pro

--531--

contione dixit, cui velim vel per Erasmum nostrum responderetur (ut
scilicet vel taceret vel scripturam scriptura refelleret, ne tandem suis
coloribus depictus toti orbi fabula redderetur), nugas suas diutius non
ferendas, et cetera in hunc modum, ut visum fuerit, litterasque illas
cum libello negotii nostri accipiat. Iacobus Naef te ad templi sui
consecrationis festum venturum dixit. Fac sciam, an ita sit et quando.
Vale.
Ex Lucerna Nonis Iuliis 1522.
Et doctissimo et amicissimo domino Huldricho Zuinlio,
Tigurinorum euangelistae. -
Meister Uolrich Zwingli zuo Zurich lutpriester.