294

<< Nr. 293 | Index | Nr. 295 >> 

Absender: Sapidus, Johannes

Empfänger: Zwingli

Ort: (Schlettstadt)
Datierung: 10 IV 1523

Vorlage: Huldreich Zwinglis sämtliche Werke, vol. 8 (Leipzig: Heinsius, 1914) (Corpus Reformatorum 95), 60-61

--60--

Ioannes Sapidus Ulricho Zuinglio.
Dominus Iesus sit cum spiritu tuo, mi Zuingli. Sed a quo
auspicarer, nisi ab eo, cuius negotium tam fideliter exequeris et cui,
quem habes spiritum, debes? Is itaque, quod agis, faciat perpetuo
agas; et quia in dei negotio totus versaris, commendo tibi hunc
iuvenem, nescio probiorem dicam an doctiorem, iuratissimum amicorum
meorum, qui spiritu eoque, ne dubites, sancto impellente a
factione Ioannitarum, quos vocant, ad verum confugit Christianismum
[Act. 18. 25ff., 19. 1ff.], dignus, qui resipiscentię suę a te et
Leone nostro, viro pariter sancto, solatia percipiat. Fac, ut sentiat
Christianum a Christiano Christiano fuisse commendatum. Legi
acta Tiguri inter te et Fabrum. Gratularer tibi, nisi tu, quidquid

--61--

id est, Christo, non tibi, acceptum referres. Quem Christum spiret
animus Fabri, vel bubulcus intelligit. Tardior est hora, quam cui
liceat plura scribere; nam hic, iam primum elapsus missa, ad me confugit
intempesta nocte. Pluribus posthac et commodius scribemus.
Valeas in eo, quem confiteris, Christum.
Salutes amicos et maxime Leonem meum. MDXXIII.
X. Aprilis.
Incomparabili viro domino Ulricho Zinglio,
Tigurinorum sancto episcopo, amico charissimo.