295

<< Nr. 294 | Index | Nr. 296 >> 

Absender: Hofmeister, Sebastian

Empfänger: Zwingli

Ort: Schaffhausen
Datierung: 11 IV 1523

Vorlage: Huldreich Zwinglis sämtliche Werke, vol. 8 (Leipzig: Heinsius, 1914) (Corpus Reformatorum 95), 62-63

--62--

S., frater in Christo charissime. Noli mirari, quod tam raro ad
te scribo. Id ego consulto facio. Caussam ipse dicam, dum ad te
venero. Nunc cogor scribere, sed pauca, ne tibi molestus sim, tam
varius est apud nos rumor: venient Tigurum episcopus Verulanus
et idolum nostrum Constanciense oppugnaturi vel per insidias negocium
tuum, immo Christi. Fac constanter et Christiano pectore
excipias antichristos hos. Huius rei summa est de te omnium exspectacio.
Eia! invictum gere animum; alioquin tecum casura est res

--63--

euangelica. Apud nos Christus summis desideriis excipitur, grates
deo! Resipuerunt multi nunc olim virulentissimi hostes. Ego constanter
praedico bonis avibus. Promisit senatus noster eciam adversus
pontifficem [!] patrocinium, modo sincere doceam, id quod praecipuum
in votis meis habeo. Tu fac scribe [!] ad nos, quid in tua caussa
agatur Tiguri; nam eius rei cepit nos magna admiracio. Salvos dic
communes amicos, Iudeum inprimis.
Vale et me ama.
Datum Schaffhusii 1523, Sabbato in Albis.
Frater Sebastianus Oeconomus tuus.
Hodie, dum scribo, narrat amicus quidam, vicarium e Friburgo
rediisse. Quid illic monstri parturierit, tu ipse rescire potes. Fac,
ut et nos sciamus.
Eruditissimo viro Huldricho Zwinglio,
amico in Christo Tiguri, dentur.