322

<< Nr. 321 | Index | Nr. 323 >> 

Absender: Stumpf, Simon

Empfänger: Zwingli

Ort: (Weiningen?)
Datierung: 19 XI (1523?)

Vorlage: Huldreich Zwinglis sämtliche Werke, vol. 8 (Leipzig: Heinsius, 1914) (Corpus Reformatorum 95), 132-133

--132--

Simon Stumphus Bedicenus Vlrico Zinglio, amico et fratri
in Christo, Salutem dicit P.
Fodere non valeo neque, quod fodiam, habeo, si maxime possem.
Mendicare erubesco [Luc. 16. 3].
Quid faciam igitur?
Peccavi in coelum et coram te, neque iam dignus, ut vocer filius
[Luc. 15. 18.19], neque dei, in quem peccavi, neque hominum, quos non
minus ignoranter quam imprudenter offendi. Quid igitur reliquum?
Num illud: vade et suspende te? Dii meliora! Tu igitur, mi Zingli,
ignoscito clementer multum peccanti, ut multum amet Simon [Luc.
7. 47]. Reducito in rectam viam oviculam errabundam, id quod facis
quotidie. Memento afflicti. Foveto instar gallinae [Matth. 23. 37],
donec robustus fiat in Christo. Valetudinem agnoscit, medicum expectat.
Habeto me velut unum de mercenariis tuis extremis [Luc.
15. 19], memor, quod capitis Christi unum corpus sumus, membra
varia [1. Cor. 12. 12]; ego autem abortivus totus [1. Cor. 15. 8]. Sed
vivit etiamnum Christus, qui novit etiam plusquam quadriduanum
Lazarum sepultum peccatis et ignorantię fasciis vinctum in vitam lucis
revocare [Joh. 11. 17ff.]. Is te diu incolumem servet suo gregi et me
sibi sanet. Per eundem vale et vive foeliciter. Adamantem vel redama

--133--

vel respue, imo utere ut tuo. Tabellarium tibi commendo, me utrique.
Ex latebris nostris ipso die, qui Elisabeth viduę est sacer.
Totus tuus in domino.
Vdalricho Zinglio, . . . Christi pastori . . . amico . . .