393

<< Nr. 392 | Index | Nr. 394 >> 

Absender: Hätzer, Ludwig

Empfänger: Zwingli

Ort: Basel
Datierung: 17 X 1525

Vorlage: Huldreich Zwinglis sämtliche Werke, vol. 8 (Leipzig: Heinsius, 1914) (Corpus Reformatorum 95), 389-390

--389--

Graciam et pacem a deo nostro.
Audio te Pomeranis argumentis respondisse, Zuingli carissime.
Reliquum est, quod magnopere expectamus, quid nobis dederis.
Expectant nobiscum multi fratres Augustani, ut ipsi habeant,
quod dicant. Facile enim non credis, quam insaniant, quanta tyrannide
doctores illic sęviant in diversum, at cum Christo, ab ipsis
sentientes. Quorum clandestina malicia me exulem fęcit. Necessarium
fore iudico, ut responsio tua a quopiam transferatur ad nostram maternam
linguam; nam me ab Augusta abeunte ęditum est et Pomerani
epistolium vulgare a doctore Stephano Kastenbur versum.
Ego iam adminiculis Oecolampadii verto ea, quę "de genuino verborum
domini sensu" perscripsit. Estque, quod timeam quicppiam in
nomen Regii peccatum mea negligentia, quod me certe angit. Ita

--390--

enim propicio Christo nostro instituam vitam, ut merito me culpare
aut deferre nemo possit.
Vale et vive cum tota ecclesia et familia tua.
Basileę 17. Octobris anno 1525.
Si tibi non grave foret, rescriberes aut saltem duo amica verbula.
Ludovicus Hätzer tuus, ut vis.
Clarissimo et docto viro Huldrico Zuinglio, maiori et fratri suo.
Gen Zurich.