395

<< Nr. 394 | Index | Nr. 396 >> 

Absender: Luchsinger, Konrad

Empfänger: Zwingli

Ort: (Stein am Rhein)
Datierung: 21 X 1525

Vorlage: Huldreich Zwinglis sämtliche Werke, vol. 8 (Leipzig: Heinsius, 1914) (Corpus Reformatorum 95), 393-394

--393--

Gnad, frid und barmhertzikeit von gott ünsrem rechten etti sy mitt
unß, amen.
Uls dann ir, meister Uorich, min aller liebster fründ, achten möchty
die hinscheidung zuoletscht von üch ungnadett : ist in keim bösen geschechen;
dann die alten pünd wil ich an üch halten, das vermag kein düfel zuo
verhindern; ich gloub, ir thuegintz ouch. Das ander, von Rellikon
wegen, werdend ir von im verstan. Des driten, der disputatz halb zuo

--394--

Claris, sag ich got lob. Deß Ruedis halb han ich im gschriben: ich
mein, das guot sy. Und alles, das üch leid oder widrig, ist mir ouch,
der gstalt was üch liept, mir ouch. Wie gern ich wölti, das ir zwen
oder dry tag by mir möchtind sin; dann ir vil guocz möchtind schaffen;
aber ich kan nit am ratd sin, das ir 's understandind. Ich besorgti das
widerkeren am tantz. Ich schrib üch nit gern vil; ich weiß aber, das ir
lefens voll sind sölicher gschrifften. Min meinung wüssend ir gar wol,
und ist nütz in mir vor üch verborgen. Uber üwers schriben kan ich üch
nit gnuog von fröden dank sagen. Uber ünser Lergy ist vul, in keller
zgan; was er nit vor der stubentür in kanten fint, loufft er nit witter.
Die gnad gottes verlassen üch nit, und sind bstendig. Es ist als guot
hie gfochten als zuo Brüssen. Nit me dan: verlassend min schwager
Undres und sin husfrow und gsind nit mit underwisungen und guoter
gsellschafft, der min trüwer bruoder ist, dem gott den lon geben wölli.
Und gruessend mir inn fast und sin lieby husfrowen und die üweren grim=
men fast, Lergy und sin frowen ouch jemerlich. Und was üch allen
anglegen ist, lassend mich wüssen. Got sy mit ünß allen.
Datum zuo Stein, uff Samstag nach Galli anno 15xxv.
Gruest mir her heinrich Utinger, junker Ruodolf Rey uspund=
fast. - Min husfrow thuot üch allesamend, wie obnen gmelt sind, gruessen
me dann zweyhundert malen, das wil ich üch zuosagen.
Üwer knecht, wie ebghört,
Cuontz Luchsinger.
Dem frommenn meister Uorich Zwingly, predicanten des götlichen wort
gottes Zürich, sinem lieben fründ und getrüwen bruodern.