423
<< Nr. 422 | Index | Nr. 424 >>
Absender: Zwingli
Empfänger: Capito, Wolfgang
Ort: Zürich
Datierung: 20 XII 1525
Vorlage: Huldreich Zwinglis sämtliche Werke, vol. 8 (Leipzig: Heinsius, 1914) (Corpus Reformatorum 95), 464-465
--464--
Gratiam et pacem optat a domino.
Misi ad abeuntem XVIIIvum Decembris literas, cum iam tuę
essent in urbe, sed ad me non pervenissent propter noctis importunitatem,
cumque 19no acciperem, hesternę abierant. Qui eas adfert,
vir bonus est; credere illi omnia debes. At istud volebam adiectum
in superioribus: optaveram, ut mihi congressus cum aliquo vestrum
daretur; id non debes sic accipere, quasi res aliqua gravis immineat,
propter quam dignum ducam tantum laboris ac sumptuum insumi, sed
hac sententia, ut, si fortasse fidus aliquis per occasionem a vobis ad
nos concedat, literis eum notes, quo secure cum eo commentemur.
Videntur enim nobis αἱ [*Ηεβρᾳισψη] τῆς Βασιλείας ῥωμαϊκῆς paulo segnius
multa agere, quam opportunitas admodum foelix suadeat; quę epistolę
concredere, ut parum tutum est, sic pręsumptuosum in re tam ardua
consilium audere, inconsultum etiam offerre. Dominus enim causę suę
non deerit [Ps. 74. 22], ubi nos ipsis adsumus simplicitatę, non malicia.
Res apud nos sunt tranquillę per domini bonitatem.
Vale.
Si brevi non dabitur dicta commentandi occasio cum amico,
--465--
epistolam iubebo isto fungi officio; aliqua fiet, ut tuto secundum
Oecolampadium ad vos perveniat.
Salvi sint fratres omnes.
Tiguri MDXXV. 20. die Decembris.
Huldrichus Zuinglius.
Wolfgango Capitoni, apud Argentoratum
euangelii Christi ministro.