486

<< Nr. 485 | Index | Nr. 487 >> 

Absender: Oecolampad, (Johannes)

Empfänger: Zwingli

Ort: Baden
Datierung: 22 V (1526)

Vorlage: Huldreich Zwinglis sämtliche Werke, vol. 8 (Leipzig: Heinsius, 1914) (Corpus Reformatorum 95), 604-605

--604--

S. in Christo. Mi frater
Basileenses cives pro nobis solliciti iusserunt abstineremus a
disputatione. Sed nuncius non venit in tempore. Heri enim mane,
ut audisti, cepimus, deo laus, non infeliciter. Quam aegre audiunt
me loquentem! Consul et senator meus strennue [!] egerunt, ceteris
legatis denunciantes severiter, nisi mihi dent copiam loquendi in his,
quę necessaria sunt, unde bona spes posthac maiorem ęquitatem nobis
impartituros. Cęterum neque nos neque causa periclitabimur, domino
suam gloriam, quam salvam cupimus, neutiquam deserturo.
Tu interim bono sis animo. Non potuimus sermonem commode
ita flectere, ut in alium locum pertraheremus disputantes. Submittuntur
nobis alii fratres a Basilea, suffraganeus et Franciscanus cum suis
comitibus, quorum adventum expectare cogimur; malluissem [!] enim
continuatam, non ignorans, quid interim technarum pariant adversarii,
quos dominum prostraturum spero.
Vale et, ut prosperetur negocium, ora.
22. Maii. Baden.
Oecolampadius.

--605--

Salutant te fratres omnes.
Assunt et Scaphusani mea sententia fideles.
Literas ad Rhetorum Curiam accepi; multum expedit id dolorum
pręsentire.
Zwinglio suo.