513

Absender: Zwingli

Empfänger: Glarus

Empfänger: Schaffhausen

Empfänger: Appenzell

Ort: (Zürich)
Datierung: (Ende VII 1526)

Vorlage: Huldreich Zwinglis sämtliche Werke, vol. 8 (Leipzig: Heinsius, 1914) (Corpus Reformatorum 95), 676

--676--

Schrifftlich enbieten gen Glaris, Schafhußen und Abbtzell.
Sidmal der orten keins üns zuo wüssen getan, das ünser Eidgnossen
von dem schweͤren geradtschlagt und beschlossen, das wir nienen darby
sygind, ouch das sy den eid nit wellind von üns enpfahen noch nemmen,
mögind wir nit wüssen, in was gestallt das beschehen sye. Hierumb
ünser ernstlich vermanen, das sy eigenlich uffëhind, wohin die ding reichind;
dann das hindenfürgan welle üns keins weg gfallen; werdind ouch mit
der zyt ernstlich hierinn handlen.
Item das man ouch gen Schafhusen an bed rät schrybe oder botten
zuo inen schike und sich darab nit lasse wenden.
Item das man gen Basel ein ernstliche botschafft schike; dann man
denselben nit schweͤren wil, und mitt inen ernstlich und grundtlich handle,
ouch vor beden räten.
Item ouch gen Bern einen brief an burger und rät etc., wie vor
die warnung uff Glaris, Schafhusen und Appentzell stat.
Item ouch gschrifft gen Soloturn.