575

<< Nr. 574 | Index | Nr. 576 >> 

Absender: Brunner, Fridolin

Empfänger: Zwingli

Ort: (Glarus)
Datierung: 15 I (1527)

Vorlage: Huldreich Zwinglis sämtliche Werke, vol. 9 (Leipzig: Heinsius, 1925) (Corpus Reformatorum 96), 18-20

--18--

Pax et gratia a domino deo nostro.
Dilectissime frater, me fausta incolumique esse valitudine
scias, basilicaque item te esse iucundum esset mihi audire. Ad
haec ne te lateat, in omnibus nostris Glareanis ecclesiis euangelium
pulchre procedere. Deus det et augeat gratiam! Quanquam
haud pauci euangelii fautores obierint mortem, nihilominus

--19--

semper multos habeo verbi dei auditores. Nam cottidie cogitare
soleo, quanam re Christianum adiuvem profectum. Nam crede
vera loquenti: non minus mihi curę est, ut purum dei verbum
ecclesia nostra consequatur, quam vel doctiori me. Prędico enim,
absit iactatio, sedulo, quo vitia arceantur et Christiana charitas
adolescat, quoniam belli sunt mirum immodum cupidi; id plurimum
displicet, papisticęque seminę (!) prorsus nulla apud me est venia,
quin non extirpem. Audeo ego intrepide omnem ecclesiae abusum
et omnia humana praecepta in enuntiatione verbi dei damnare, excepto
sacramento. Nam admittunt praedicare abusum missae, quem hactenus
populo evulgavi, volunt tamen in pane corpus et sanguinem substantialiter
esse; estimo enim eos prius oportere lacte, quam solido cibo enutrire
[1. Cor. 3. 2]. Sunt enim imbecilles; id enim fit ex praedicatione
Valentini. Ob id prudenter res est aggredienda, ne offendantur,
laborisque ne nostri nos poeniteat. Tempori est parumper serviendum,
nisi tu suadeas aliud. Dolere enim soleo, quod Lutherus adeo sit
contumax, quoniam ad nos missus est libellus, cui titulus almanice,
"Wider die Schwarmgeyster", quem nostri legerunt, et per eius doctrinam
multi offenduntur, ut ipse nosti. Quare velim docti ei responderent,
et quo os eius opprimerent [Luc. 11. 53]; nam si Lutherus non esset,
in tuam multi pedibus ivissent sententiam de sacramento. Et quum ille
nebulo adeo semper pugnantia dicat, eo minus eciam et ipse audeo de hac
re praedicare. Quid autem in hoc articulo mihi sit faciundum, tu
consula (!), quoniam tuo sum consilio acquiesciturus (!).
Ad haec licet mihi absque periculo praedicare de purgatorio, de
indulgenciis, de merito et de omnibus papae nugis. De his populus
gratia dei satis persuasus est nugas esse et fabulas. De intercessione
nullus amplius est labor; nam nullum plus habent intercessorem praeter
Christum; id ex Johanne didicerunt. Ob id res bene se habet;
deus augeat nobis suam gratiam.

--20--

Nova, quę apud nos sunt, arbitror te nequaquam nescire. Ad
haec nodus mihi in scripturis occlusus; velim mihi enucliares (!).
Christus dicit Jo. 15 [5]: "Sine me potestis nihil." Id verum esse non
dubito. Sed legimus Eccles. 15 [Sir. 15. 16]: "Apposui ignem tibi et
aquam etc." Item Christus praecipit in euangelio [Joh. 6. 27], "nos
debere bene operari." Ob id in hoc ego dubito, quid opus sit praecipere,
quum non in nostra sit potestate aut viribus.
Secundo, quid usura sit, velim scriptis me instrueres aut sermonem
de hac re in lucem emitteres. Praedicavi de hoc peccato non ita
pridem, sed paucis placere intelligo. Volunt enim non esse usurarii,
quum sint manifestissime, et se ita excusant te aut alios me doctiores
aliud de hoc sentire. Ob id parum mihi in hac re obsequi velim.
Vale bene, et brevi plura ad te scribam et in quibusdam nodis
scripturae te utar praeceptore.
18. Calendas Februarias 1527.
Fridolinus Fonteius.
Magistro Huldrico Zwinglio, euangelistae Tigurino, fratri
suo charissimo.