577

<< Nr. 576 | Index | Nr. 578 >> 

Absender: Hofen, Thomas von

Empfänger: Zwingli

Ort: (Genf)
Datierung: 15 I 1527

Vorlage: Huldreich Zwinglis sämtliche Werke, vol. 9 (Leipzig: Heinsius, 1925) (Corpus Reformatorum 96), 23-24

--23--

Gnad unnd frid von gott dem vatter unnd unnserm herrenn Ihesu
Christo sye mit unns allen [2. Tim. 1. 3].
Min lieber her unnd bruoder, ich hab empfangenn üwer brieff, mir
durch Undres des krämers sun überanndtwurt, under anderm inhaltende,
das üch wunder näme, das ich üch nüczit geschribenn hab. Desßhalb fuog
ich üch zuo wüssen, das ich söllichs dick fürgenomen, unnd so ich aber der
latin unwüssend bin, hab ich mich geschämpt, üch in tütsch zuo schriben.
Söllich unnd kein ander ursach wöllen von mir uffnämenn. Unnd alß
ir dann schribenn, ich sölle nach minem vermögenn arbeitenn, damit das
euangeli hie zuo Iänff anhebe zuo wachssen, da wüssend, an mir nüczit
erwindenn sölt; aber es ist alles vergäbenn; dann es sind in diser statt
by sibennhundert pfaffen, die werenn mit händ unnd fueß, damit es nit
uffgange; dann si predigenn nüczit unnd thuond nüczit anders, dann mäß
habenn: darinn ist das arm gemein volck erzogenn. Uber ich gloub, wo
si predicanten hetten, der bäpstisch gloub wurde ein schwanck nämen;
dann die pfaffen klagenn sich, man wölle nitt mer opffern, ouch nit so
hefftig nach dem applaß, wie vor, louffenn.

--24--

Nüwer mär halb weiß ich nüczit zuo schribenn, dann das ich hoff, der
handel unnd span, zwüschenn dem herczogen unnd minen herrenn von
Bern und Friburg erwachssenn, werde guettlich hingelegt.
Nit mer dann: gott halt üch in siner huott. Sagenn minem her
bürgermeister Röst min willigen dienst.
Datum Zinstag vor Anthony anno etc. xxvij.
T. von Hofen.
Un den wolgelertenn meister Uolrichenn Zwinglin, predicanten Zürich,
sinem erenden herren und gebietter.