582

<< Nr. 581 | Index | Nr. 583 >> 

Absender: Dischmacher, Benedikt

Empfänger: Zwingli

Ort: Otelfingen
Datierung: 27 I 1527

Vorlage: Huldreich Zwinglis sämtliche Werke, vol. 9 (Leipzig: Heinsius, 1925) (Corpus Reformatorum 96), 35-36

--35--

Graciam et pacem a Jhesu Christo servatore nostro [Röm.
1. 7 u. ö.]. Amen.
Ut adsolent filiorum amantes benignissimi patres, faecisti, pater amantissime.
Illi nimirum, ubi ad eorum vota inexorabiles se fingunt, tandem
insperata eisdem se benignitate adperiunt. Tam iampridem eciam
meam in te collatam spem peticionemque cum iustam tum necessariam
abiecisti, ut nisi fidenti arctius relictum spei ne quicquam videretur;
huius quod reliquum erat, apud eos, quorum intererat, una tecum
iuvare me, adeo integre ac ampliter declarasti, ut hinc me et commendatum
et promotum non absque gaudio intellexerim. Verum pro
tanta in me tua praestita beneficencia, quam ullis nunquam beneficiis
equare possum, quid facerem vel adderem, nichil inveni praeter
unicam gratitudinem, quae, sicut veteribus semper commendatissima

--36--

fuit, sit tibi gratissima; sic eciam opportet. Nec pro hac tua quoque
collata ope gratius tibi offerri a me quicquam potuisse existimavi,
quam ut mores, vitam studiumque doctrinae ita instituam, ut, quibus
praesum te autore illi commendatiores evadant, et ut me commendasse
promissique dominos salarii te ne unquam poeniteat, quos una tecum
dominus, qui in altis residet [Jer. 33. 5], integros conservare dignetur
in evum.
Vale foelix.
Ex Otelfingen 6. Kalendas Februarii anno ab incarnatione
quindecies centesimo vicesimo septimo.
Tuus Benedictus Dischmacher, Zofingensis.
Civitatis Tigurinae amplissimo ac piissimo euangelistae, episcopo
Huldricho Zuinglio, suo observandissimo.