583

<< Nr. 582 | Index | Nr. 584 >> 

Absender: Tremp, Leonhard

Empfänger: Zwingli

Ort: (Bern)
Datierung: 27 I 1527

Vorlage: Huldreich Zwinglis sämtliche Werke, vol. 9 (Leipzig: Heinsius, 1925) (Corpus Reformatorum 96), 37-39

--37--

Gnad und fryd von got.
Min lieber her und schwager,wüssend, das zwen rät sind gesin
under minen heren räten und burgren und doch umb fül das mer worden,
unser botschaft zuo üch zuo schicken. Der ander rat was aber, das man
vorhin üwren heren schriben sölty: weltind sy ein tag ansezen, das sy
dann alle ortt beschrybind, und ob dann sach wär, das joch etlichy ort
nit zuo inen komen, so weltind doch miny heren nüt dester minder iry
boten zuo üch schicken; aber diser rat hät nüt golten etc. Denne so wüssend:
junker Überli von Rischach wirt ein pitt und ettwas anbringens an
üwry heren lasen tuon. Da hälfend ouch das best reden; dann fürwar,
so vil und ich von im gehört, so ret er von üwren heren und üch
als guocz.
Denne so dancken ich üch üwers buechlis, so ir mir geschickt hand etc.
Denne so wüssend: wir schickend iez gan Luzern ein botschaft, zwen der
räten und zwen von burgren, den zuo berechten, so uns käzret und diebet
hät etc. Desglichen ist unsren boten, so iez uf den tag riten wärdend,
in befälch geben, mit den Cydgnossen zuo reden, das sy uns unkäzret
lassind; dan so färr söllichs me beschächy, in wellem ort es wär, so
wellend wir sy nit fast me berechtigen, sunders, wo uns der einer in
unsren landen wärdy, wellind wir in bim hals nemen und in tuon, das

--38--

im zuoghört, er sygy joch us welchem ort er welly etc. Anser bredy=
kant ist uf disem tag in ein grosy kranckheit gefallen; got teil sin gnad
mit uns etc. Dieser üwer bot würt üch wol berichten, wie es by uns
stat etc. Ich warten noch des Murrners, und da bin ich fast frölich
worden der articklen, so ir mir zuogschickt hand von sinen wegen. Ich
bin in hoffnung, mir wärdy in kurzem etwas von Strassburg by
eygnem botten auch komen etc.
Denne wüssend: der küng in franckenrich hät den bann der geist=
lichen in allen synem land dannen tan. Nit me denn: got halt üch all=
zit in siner huot.

--39--

Geben uf Suntag vor Liechtmess im xxvij jar.
Mir ist, nach menschlicher wis zuo reden, in truiwen leid der kumer
mines her burgermeister Rösten. Got welly in sines leyds ergezen nach
sinem götlichen willen, amen. Grösend mir üwry lieby husfruwen
und wer üch lieb syg.
An meister Aͦllrichen Zwinglin, minen lieben heren und schwager.