594

<< Nr. 593 | Index | Nr. 595 >> 

Absender: Oecolampad, Johannes

Empfänger: Zwingli

Ort: Basel
Datierung: 28 II (1527)

Vorlage: Huldreich Zwinglis sämtliche Werke, vol. 9 (Leipzig: Heinsius, 1925) (Corpus Reformatorum 96), 59

--59--

Gratia et pax a Christo. Mi frater
Cibum melancholicum, ut ita dicam, quem nobis Normberga
misit, fere devoravi. Habet tantum charitatis, quantum diabolus ipse.
Respondi. Describo. Prostabit ad nundinas. Insana bestia post
hac totum discerpere et vivum devorare conabitur. Tu quoque, si
fieri potest, quę in Lutherum scribis, urge, ut prodeant. Illi enim
non dormitant, sed totum mundum in nos excitant. Ambulandum
nobis provide in medio nationis perverse, et fidendum domino [Act. 2. 40].
Bene vale in domino
Saluta Pellicanum. Orate pro me dominum.
Ultima Februarii Basileę 1527.
Ioannes Oecolampadius tuus.
Huldrico Zwinglio, fratri suo charissimo.