6
Absender: Glarean
Empfänger: Zwingli
Ort: (Köln)
Datierung: (1511ff.?)
Vorlage: Huldreich Zwinglis sämtliche Werke, vol. 7 (Leipzig: Heinsius, 1911) (Corpus Reformatorum 94), 14-15
--14--
Ulrico Zuingli eruditissimo bonarum artium magistro
Henricus Glareanus Loritus S. d. p.
Habes libellum, vir clementissime, de Aristotelis seruatione inscriptum,
quem rogo hilari fronte accipias; credidi enim rem tibi
fecisse gratissimam, tum quia Aristotelicus es, tum etiam quod multos
pertinaciter hunc condemnare videmus. Quorum ut insaniem [!] rabiemque
sedare possemus, solus Lambertus ille, huius libelli auctor, quocunque
me verterem, occurre visus est, qui ex sacrę scripturę testimoniis
--15--
rem hanc profunde speculatus est probavitque luculenter. Nec
obstat, quod parum eleganti stylo usus sit; nam oratores non sumus
omnes. Forsitan enim plus veritati quam elegantię studuit; quod
quidem te ipso teste longe melius est. Quo fit, ut labia comprimant,
qui hactenus Aristotelem damnarunt, quum nec hoc nec oppositum
probare possunt. Vale et me ames.