603a

<< Nr. 603 | Index | Nr. 604 >> 

Absender: Württemberg, Ulrich Herzog von

Empfänger: Zwingli

Ort: Marburg
Datierung: 3 IV 1527

Vorlage: Huldreich Zwinglis sämtliche Werke, vol. 9 (Leipzig: Heinsius, 1925) (Corpus Reformatorum 96), 85

--85--

Unnsern grus zuvor.
Hochgelertter, lieber, besonnder! Wo es uch glucksälig unnd wol
zustunde, hörtten wir sonnders gern; wollenn uch auch uß gnedige rneigung,
so wir zu uch tragen, nit verhalten, das wir vonn unsern schwägern,
vettern und freunden, denn fursten, gar freuntlich unnd wol gehaltten, der
gestaltt, das wir zu gott, dem almechttigen, hoffen, unnser sachen sollen
sich zu allem gutten schickhen. Ob ir auch ettwas neuwes hetten lassen
usgeen, woltt unns sollichs bey zeiger diß briefs gen Twill vertigen,
wirt man unns sollichs verner zuzuschicken wol wissen.
Gott woll unns allen sein göttlich gnad verleychen
Datum Marpurg in eil. Mitwoch nach Laetare anno etc. 15 xxvij.
Ulrich hertzog zu Wirttenberg etc.
Dem hochgelertten unnserm lieben besonndern Ulrichen Zwinglin,
predicanten zu Zurich.