663

<< Nr. 662 | Index | Nr. 664 >> 

Absender: Seger, Martin

Empfänger: Zwingli

Ort: Maienfeld
Datierung: 22 X 1527

Vorlage: Huldreich Zwinglis sämtliche Werke, vol. 9 (Leipzig: Heinsius, 1925) (Corpus Reformatorum 96), 288-289

--288--

frünntlicher lieber her unnd bruoder
Üwer brieff sampt ettliche trucktte buöchli hab ich mit dancksagendt
enpfangenn; nicht dester weniger beger ich, was dye kostennt, mir das
schribennde; wil ich zalenn etc. Vom apt hab ich üch vormalenn ge=
schribenn; kan nit sovil schribenn; eß ist noch vil mer. Eß hatt ain
papitscher [!] pfaff, welchem ir ettwas buöchlin geschickt hondt - was
ewangelisch, hatt sich gewennt, der glichenn an den cantzlenn gehörtt ist,

--289--

als diser pott, guott ewangelisch, üch wol ze berichtten wais - hatt üch
vast an üwer er gerett unnd hoch gescholtten etc. Eß wirtt gerett,
Basel unnd Ougspurg habennt widerumb der papisten secktten an=
genomenn; pitt üch als minen günstigen lieben hernn unnd bruodernn,
was nüwer zittung, oder wie eß umb benanten zwo stett stuönde, mich
dess mit dryenn wortten schriffttlich berichtten.
Damit sindt Cristo bevolhen.
Datum Mayenfeld, Zinstag nach Balli anno etc. xxvij.
Äwer williger
Martin Seger.
An den hochgelertten herenn Uolrichen Zwinglin, predicant Zürich etc.,
minem günstigen lieben herenn und bruodernn.