670

<< Nr. 669 | Index | Nr. 671 >> 

Absender: Oecolampad, Johannes

Empfänger: Zwingli

Ort: Basel
Datierung: 30 XI (1527)

Vorlage: Huldreich Zwinglis sämtliche Werke, vol. 9 (Leipzig: Heinsius, 1925) (Corpus Reformatorum 96), 315

--315--

Gratia et pax a Christo. Mi Zwingli
Matthęum illum, etiamsi frater noster fuisset, iuvare non
potuissemus; alioqui preces tuę valuissent plurimum. Provideat illi
alibi dominus. Lucas ipse ob intermissas missas, imo prorsus
relictas, nonnihil periclitatur. Adeo semper tenui filo res nostrę
pendent. Semper a potentioribus premimur; sed fortior est, qui nos
opprimi non sinit et in infirmitate nostra suam potentiam ostendit.
Illo fidamus. Cęterum Bernensi conventui non deero, nisi dominus
me prohibuerit; non enim usquequaque corpore valeo. Quodsi valitudo
incresceret, vix comparere possem. Heri sanguinem minui et aliquanto
melius habeo. Unde nihil remorę suspicor. Argentinensibus
diligenter scribam, et spero non frustra.
Vale.
Basileę ultima Novembris 1527.
Oecolampadius tuus.
Huldrico Zwinglio, Tigurinorum fidelissimo episcopo, fratri suo.