671

<< Nr. 670 | Index | Nr. 672 >> 

Absender: Brunner, Fridolin

Empfänger: Zwingli

Ort: (Glarus)
Datierung: (XII 1527)

Vorlage: Huldreich Zwinglis sämtliche Werke, vol. 9 (Leipzig: Heinsius, 1925) (Corpus Reformatorum 96), 316-317

--316--

S.
Multis sum, Christi gratia, negotiorum fluctibus occupatus, et
fere cottidie a sęnatu vocor, nunc ob id, quod missare cessaverim,
nunc quod pastores nostrarum ecclesiarum, ante tumultum ut sibi
caveant admonuerim. Qua privatim de causa eius facti poenas me
dare nituntur; pro virili eciam sęnatus conatur, cum pontificatum
abnegaverim, verbum dei praedicare. In hac itaque re, quam cito
potes, consule ut frater. Quare, humanissime vir, undique ab inimicis
meis angor multisque curis sum districtus; deus brevi faciat liberari.
Scias eciam me in pastorem electum ab ecclesia in Matt - nescio

--317--

an recte fecerim - sed hac lege, ne missem. Sed fac consulas,
qua via aegrotos visitare debeam, quum amplius non consecrem
hostias. Nam mox dicent: parum esset non celebrare missam, sed
eciam non visitant infirmos sacramento. Item prae manibus est,
olygarchos rem muneribus aggredi velle. Etiam nebulo quidam
(Philippus bene novit tibi nomen pronunciare), ut antea Philippum,
nunc in eius absentia uxorem eius de hac re conven i; quapropter
fac Philippum hoc de negotio convenias ac illi ut in hac re consulas,
an pecuniam porrectam accipere clam debeat, an non, quo
postea manifestet quorundam nequiciam.
Vale et me, ut facis, ama.
Mitte, si potes, mihi Oecolampadii responsionem ad senatum
Basiliensem de missa.
Ecclesiae eciam omnes commendant tibi pastores ab olygarchis
expulsos.
Fridolinus Fonteius.
Un meyster Vorich.