699

<< Nr. 698 | Index | Nr. 700 >> 

Absender: Oecolampad, Johannes

Empfänger: Zwingli

Ort: Basel
Datierung: 15 III (1528)

Vorlage: Huldreich Zwinglis sämtliche Werke, vol. 9 (Leipzig: Heinsius, 1925) (Corpus Reformatorum 96), 390-391

--390--

Gratiam et pacem a Christo.
Optime Huldrice! Properat hic nobilis, ut videtur; sed interim
te ignorare nolim obvenisse mihi tandem uxorem pro votis, opinor,

--391--

meis. Res ita postulabat, defuncta matre. Nostri pseudoadelphi inde
nonnihil offensi sunt, ut declarent, quam sincere euangelium ament,
tu vero dominum ora, ut faustum siet, et in gloriam domini cedat.
Boni nominis vidua et iuvenis est; aliquot pręcipuos adversarios et
amicos euangelii in familia sua habet, sed pauperem dotem attulit,
quam equidem ampliorem nollem. Spargentur aliqua mendaciorum
plaustra, scio, sed ea non curamus; per se evanescunt.
Interea nihil mutatum est. Zunfftę pleręque instant apud senatum
pro concionatorum concordia, qui iterum mandatum suum nobis proponet.
Verum nec sic pax constabit.
Vale et amicos saluta.
Basileę 15. Marcii 1528.
Tuus Oecolampadius.
Huldrico Zwinglio, Tigurino, fratri charissimo.