700

<< Nr. 699 | Index | Nr. 701 >> 

Absender: Seger, Martin

Empfänger: Zwingli

Ort: Maienfeld
Datierung: 17 III 1528

Vorlage: Huldreich Zwinglis sämtliche Werke, vol. 9 (Leipzig: Heinsius, 1925) (Corpus Reformatorum 96), 392-394

--392--

Was ich erenn unnd guotz vermag, zuovor, früntlicher lieber her
unnd bruoder etc.

--393--

Ich schick üch ain narrenbuechli, hab ich gemacht, laysch, pürisch
unnd ungeschickt. Pitt üch dz coryerent; mag wol ermessenn, min nerrisch
wesen in kainen truck komenn mag, wiewol ich 's üwerm coryeren
nach gernn in truck habenn woltt etc.; geschicht uß guotter maynung.
Unnser gnediger her unnd brdͧer in Christo gewesen ist wie zuo den Ebreern
am 6. [Hebr. 6. 4-6] gevallen etc. Item eß württ uff jetz Mittvasten uß
anruöffung k. Mt. Ungern unnd Behem tagsatzung zuo Chur. Wz
ir Mt. beger ist, mag ich nitt wüssenn. Were dye disputation zuo Bernn
ergangen vast guot uff den tag, ursachen uff nechstverschinem tag Inlantz,
so ist vil vom globen gerett, jedoch alles bis zuo enndt der disputatz uff=
geschlagen. Ob sy truckt were, so lassennt nit, schickent mir dye; ouch

--394--

die messive, so dann dye viij ortt denen von Bernn unnd dye von
Bernn inen mit schrifften begegnet, welti gern habenn. Damit der
üwer. Ich bin ain guotter Zürcher.
Datum Mayenfeld, 17. tag Mertz anno etc. xxviij.
Üwer williger
Martin Seger.
An den hochgelerten minenn günstigen lieben hern Zwingli.