701

<< Nr. 700 | Index | Nr. 702 >> 

Absender: Comander, (Johannes)

Empfänger: Zwingli

Ort: Chur
Datierung: 17 III 1528

Vorlage: Huldreich Zwinglis sämtliche Werke, vol. 9 (Leipzig: Heinsius, 1925) (Corpus Reformatorum 96), 395-396

--395--

Graciam et pacem per Christum.
Allerliebster bruoder! Ich hab zwey mal geschriben zuo dir und khein
antwurt empfangen. Darumb han ich lassen fragen, wie es zuogang,
nit das in der meinung, das du bessere gschäfft underlassest und dich mit
mir versumest, sunder das ich gefürcht hab, die brieff wärind mir under=
gangen. Aber Benedict hat mir wol ein bescheid geschriben, ouch
daby: ich hab finster und unverstendig gschriben, das du min meinung
nit gemerckt habest. Darum wil ich derselben sach ietz geschwigen
byss uff ein ander mal, so du villicht muessiger bist. Wir muessen ietz all
unser krafft wyder die catabaptistas bruchen; die hand sych bin uns
versamlet, und sind under den burgeren vil, die heimlich oder offenlich
inen glimpfend. Und der hinckend Andretz hat sin wäsen ouch in
unserer statt; der verwirt unß vil und henckt die burger an sich, und ich
muoff also under denen lütten arbeitten und geengstiget werden, me denn
wäre noch ein bapstthuom. Doch stat Niclaus trüwlich by der warheit,
und han guotte hilf von im. Man hat ietz etlich gfangen; da schrygend
die, so inen günstig sind: der pfarrer ist schuldig; er durächtet sy; er wyl
dz unschuldig bluott in todt bringen. Nun fröwt mich ir thod gar nüt;
mich beduret aber, das sy nit uffhörend ze verfueren. Item des gesprächs
von Bern het ich gern; ich han aber ietz nit gelt; wenn mir Stoffel

--396--

beittete bys nach Ostren, so wirt mir gelt. Und gäb mir ein tütschs und
ein latinischs, das wolt ich under die Wältschen schicken. Dann ietz
Sunntag wirt ein grosser tag wärden mitt den Keyserschen; da trösten
wir uns, dz gspräch sölle uns wol dienen. Ich hab wol vormals umb
vj geschriben; ich hab aber kein botten, der mirß fertige. Darumb muos
ich 's an lassen ston. Man wirt uns villicht sust zuofueren.
Gott sy mit dir.
Geben ze Chur, Zinstag vor mitvasten 1528.
Tuus Comander.
Dem frommen Huldrich Zuinglin, hirten ze Zürich,
sinem lieben bruoder.